Coffee Talks (已結業)

意粉, 汉堡之类西式餐厅野听落好似好易煮, 但要揾到好食既真系一啲都唔容易。有时百几蚊出黎但唔好食真系会几激气架。听朋友讲旺角既Coffee Talks几好食, 所以专程约朋友一尝。总括而言我觉得食物制作有诚意, 食材有质素, 而且环境清净, 拍拖约会见重要既人都唔会失礼啊!：）第一样好值得欣赏既系menu真系好多选择, 细细间cafe冷饮热饮甜品前菜主食都有齐, 佢地最近仲改良餐单再加野, 真系任何时候去去几多次都唔会怕唔知食乜好啦。好多人会觉得多就一定唔专样样都麻麻地, 但我就唔系咁谂。例如我地叫既牛肉汉堡, 店员好细心咁帮我分好插上竹签, 咁就唔会食得论尽啦。汉堡好大份好足料, 旧扒肉汁丰富唔会好干。另一样主菜系青酱帆立贝意粉。帆立贝可以煎到外面少少脆内里未熟透变干已经好唔容易, 我最欣赏系个意粉啊其实! 意粉唔会太干/太油/太湿, 同青酱比例岩岩好, 面条弹牙冇煮到淋哂烂哂, 容我再三强调, 呢个意粉, 出面以意粉黎做招牌菜既连锁餐厅都完全比唔上。另一样想讲既就系名为绿茶控既甜品。就咁睇98蚊好似好贵, 但我想讲佢唔贵,相反, 系超级抵食。呢个甜品有齐绿茶心太软, 绿茶雪糕加宇