雲壽司 (德和大廈)

营业中

休息中

呢排成日见到呢间店，又约埋朋友黎试下先。餐厅大概有10个bar台位，另有3张2人order台。公众假期前夕嘅晚市，都要等下位，虽然无得book位不过好似有得用apps 拎位。见人介绍过 $380起跳嘅omakase，不过第一次食就试下set先啦。我地嗌咗特上寿司拼盘同寿司拼盘。两个拼盘都系有十件，特上就有多啲贵价鱼，可能我比较大食，食完十件都仲未饱。寿拼盘有油甘鱼、三文鱼、甜虾、真鲷、帆立贝、三文鱼籽、池鱼、吞拿鱼腩、北寄贝、辣味三文鱼。而特上寿司拼盘有吞拿鱼腩、深海池鱼、牡丹虾、赤贝、海胆、三文鱼籽、火灸左口鱼边、鲭鱼、鲂𫚒、葱吞拿鱼腩。其实所有鱼都新鲜好味，厚薄适中。印象比较深嘅系火炙左口鱼边寿司，够厚身又有油香。吞拿鱼腩就好肥美，鱼油分布均匀，入口即溶。总括黎讲，呢个价钱系呢个地段食到呢个质素系相当唔错。下次有机会会试埋Omakase。