銀Cafe

营业中

休息中

都唔系第一次嚟食银cafe，一直都算系食物质素唔错、价钱亦都算几抵食！值得一提嘅系餐厅主要由长者打理，系一间支持长者就业嘅社企。今次无嗌到佢哋嘅晚市二人套餐，散嗌嘅选择好似多啲、价钱都唔系争好远。卡邦尼意粉，调味几好食，应该系餐厅自制嘅卡邦尼酱。意粉质地软硬适中，烟肉同蘑菇等嘅配料都几多。慢温酱油猪软骨拉面，个汤唔会太咸，拉面个面体正常。不过个猪软骨稍嫌硬咗啲，有好几旧都唔系好够稔，有待改进。特选羊架铁板餐，唔使一百蚊有三块羊架，连埋意粉同野饮。羊架本身好稔，用刀唔使好大力都切得开，拣配嘅烧汁都几夹。意粉用一个好细嘅兜上，如果比一个大少少嘅牒可能会再方便啲。另外加咗一个日式炒杂菜，算几大牒下，无乜特别，调味比较淡口，可以落多些许调味会更好。