蟹仙海鮮蒸氣鍋 (仁愛街) (已結業)

#食评 身为一个海鲜爱好者，自从有番晚市堂食之后就紧系一定要蒸气海鲜粥底火锅啦🥰 食咗海鲜之后仲可以食埋果锅充满浓浓海鲜汁嘅粥底🦐🐟🦀今次就去左位于新蒲岗嘅蟹仙，我地就叫左个尊贵海鲜套餐，佢地啲职员好贴心，因为每款海鲜蒸嘅时间同味道都唔同，所以佢地会帮我地由淡至浓咁蒸比我地☺️而且会细心介绍所有海鲜👍太平洋馒头蟹澳洲青年龙虾台湾九孔鲍鱼越南大虎虾大西洋野生青口纽西兰刀贝蚌日本大元贝韩国庆南珍珠蚝由于每一种海鲜都有唔同嘅蒸煮时间，同埋由味道淡到浓咁顺序蒸煮，所以每次都会蒸好一样先会放第二种入去蒸👍海鲜味道鲜甜，系蒸煮期间各种海鲜啲精华慢慢咁流晒落下面嘅排骨粥底，享受完海鲜之后再食返碗集合晒鲜甜味嘅排骨粥，真系好满足呀👍最后仲有糖水食添，又有燕窝，味道有好😋我地食得好开心好满足，而且环境坐得好舒服，店员又好有礼貌同风趣。系需要用多啲时间嚟蒸煮海鲜，如果赶时间就会辛苦啲啦