熨烤達人 (已結業)

今日下午要和同事2个去牛池湾开会, 原本打算系彩虹站附近揾地方食个Lunch, 不过同事话果边食店唔多, 最后我地决定搭多一个站去钻石山食。😁我地12点到荷里活广场, 好多食店都系刚刚开, 我地系3楼见到呢间韩式烧肉店熨烤达人, 见佢午市Lunch Set价钱唔贵, $40至$100左右, 装修又几特别, 就入去试下。熨烤达人装修以美国队长打扮嘅金先生为主题, 餐厅无间断播放K Pop嘅Mtv, 座位宽阔, 环境唔错。Luncb Set分2款, 精选同商务, 我地拣左2款商务午市套餐, 虽然价钱比精选贵d, 不过可以无限添饮同任食乳酪雪条。😋同事加左$12点左1枝韩国Cider, 佢话味道好普通, 不过我觉得个樽几靓。😆我就饮冻柠茶, 味道正常, 唔太甜, 饮完都添饮左1杯。我拣嘅烧牛肋骨份量都几多, 肉质都几软腍, 调味微甜同微辣, 味道都唔错。👍同事拣嘅石锅韩牛粒饭, 牛肉都唔错, 肉质松软多汁, 肉味浓, 可惜个饭底太腍而且酱汁高多, 所以就算石锅上都唔香口。😔乳酪雪条任食, 有3款口味, 我地只系每人食左1款已经饱到食唔落, 埋单每人$110, 性价比都唔错。