Zappy (已結業)

同同事食lunch，系众多选择既铜锣湾拣左呢间小餐厅，听闻几好食同抵食。上百乐中心13楼，得两部细电梯，如果多人就要分开上楼啦。餐厅大约只有两百尺，包场最多坐到18人。Lunch menu食物选择比较少，大约只有四个main course拣，汤只有一款，而甜品只有两到三款左右。今次就叫左以下几款食物:牛肝野菌汤: 同普通餐厅饮到既唔同，唔系好结好thick果种西汤。汤既texture算系稀身，但就好滑，有好香牛肝菌味。饮得出汤本身落左好多奶，所以先做到咁幼滑，好似饮丝袜奶茶既感觉，所以对奶敏感既人就未必岩饮啦。香烤孜然鸡扒配饭及沙津: 孜然味非常香，一上菜时真系成间餐厅都会好香孜然味。我只系试左小小鸡扒，鸡扒有成只手咁大块，而且厚肉松化，唔会太干，不过就唔算特别juicy同入味。酱汁就系酸酸地既，女仔都可以食得哂成碟饭同鸡扒，因为酱汁好令人开胃。泰式冬荫虾意大利面: 呢个意大利面非常抵食！大家唔洗怕佢会太辣，佢既冬荫sauce少少酸又少少辣，味道岩岩好。配埋虾同杂菌非常好食。不过美中不足既就系面质都系普通系出面食到既扁意粉，唔好expect佢系啲好精致既手工面，同埋虾都应该只系雪藏虾。