東方小祇園齋菜

营业中

休息中

知道呢一间素食店喺湾仔已经开咗好多好多年不过都系今日先至第一次试到佢嘅手势，评价系价钱比较高份量比较少味道只属一般。叫咗几样嘢最好食就系呢个琵琶豆腐，豆腐入面好多材料，而且都几新鲜，唔系一种整定晒喺度有人叫先至炸出嚟。第二好食嘅就系呢一锅竹笙素生翅，一小锅都有8碗仔左右，入面d竹笙、木耳丝等都好新鲜。排第三日就系五柳仙斑(即系芋头鱼)同埋香脆蜜瓜奶，呢两款嘅未到都只做一般，芋头鱼比想像中细条，炸蜜瓜奶原本以为系一条，点知已经切咗一半得一粒。佛门斋卤味就最令人失望，$72一碟细size真系性价比极低，真系可以skip唔食都无损失。