影片
更多
2016-05-04
1904 浏览
今日食penthouse，谂住有米芝莲都唔慌差啦，又有super Monday 买一送一，咁就去试吓。去到个景本身其实唔差ge, 唔大雾都望到对面尖沙咀𠮶边，但我地坐ge位咁啱附近都有大厦block 左个景 -.- 讲番个super Monday 优惠先，本身同事打去，听电话𠮶位职员声称系main course 买一送一，但送同买都要系同一款，换言之系买猪送猪，买牛送牛。咁谂住都抵吖，个main course半价㖞。但点知去到成件事系劲confusing lor, 𠮶位waitress 话要一人叫一个main course, 先会apply 到super Monday 优惠，变相系一人食2个main courses.... 咁我地又要谂谂啦，但隔左阵，个waitress 又话可以唔使每人叫一个main course wor, 而买同送亦都唔使系同一款。去到呢个位我已经觉得间野好混乱，打电话同上到黎一开始get 到ge information 系完全唔同，如果系为左个优惠而上黎，会有被昆ge感觉⋯⋯ Anyway, 咁既然佢可以唔使我地1人叫1个main course, 我地最终orde
今日食penthouse，谂住有米芝莲都唔慌差啦，又有super Monday 买一送一，咁就去试吓。
去到个景本身其实唔差ge, 唔大雾都望到对面尖沙咀𠮶边，但我地坐ge位咁啱附近都有大厦block 左个景 -.-
讲番个super Monday 优惠先，本身同事打去，听电话𠮶位职员声称系main course 买一送一，但送同买都要系同一款，换言之系买猪送猪，买牛送牛。
咁谂住都抵吖，个main course半价㖞。
但点知去到成件事系劲confusing lor, 𠮶位waitress 话要一人叫一个main course, 先会apply 到super Monday 优惠，变相系一人食2个main courses.... 咁我地又要谂谂啦，但隔左阵，个waitress 又话可以唔使每人叫一个main course wor, 而买同送亦都唔使系同一款。去到呢个位我已经觉得间野好混乱，打电话同上到黎一开始get 到ge information 系完全唔同，如果系为左个优惠而上黎，会有被昆ge感觉⋯⋯
Anyway, 咁既然佢可以唔使我地1人叫1个main course, 我地最终order 左：
1. Scallop crudo
2. Giant fries
3. Pork chop
4. Lamb chops
5. Mac and cheese
其实都唔敢叫太多野，惊get错佢个优惠咁就中伏啦。
食物质素方面，佢一开始上左个包，配埋个sauce 都几match ge，食到个sauce 好似有basil(?)
Scallop crudo: 带子刺身配切粒牛油果同蕃茄，个味都几fresh, 带子都新鲜。
Giant fries :略伏! 唔知边度giant, 薯条唔够粗，食落冇咩口感，失望之作
Pork chop: 其实系茄汁厚切猪扒黎, 上面舖块唔太厚ge芝士，因为佢用左新鲜番茄ge关系，而唔系单纯落左茄膏，所以茄汁味都浓，但块猪扒应该腌得唔够耐（或者直情冇腌过？），所以本身块扒ge味争d, 完全系靠d 汁去衬托。
Lamb chops: 我本身唔太好羊，因为好怕佢𠮶种膻味。但呢个羊佢煮得ok, at least 冇膻味，个汁都可以。
Mac and cheese: 呢个几好味几creamy，因为我本身好钟意食芝士，但份量太细啦，我地每人食到2-3 匙咋⋯
仲有系上菜超！慢！明明隔离枱迟过我地黎，但佢地ge main course 系早过我地到架！由于我地仲有下场ge关系，所以最终系好赶啰，未食完就已经要叫定佢埋单(-_-)
睇番张单发现佢所谓buy 1 get 1 free 只系free 左个Mac and cheese which is 最平𠮶道菜！
所以每人除番开要220蚊，但系食唔饱ge！
整体而言，呢间野食物质素都可以的，但分量偏少，性价比唔高啰，咁ge价钱，其实真系有好多选择架。重点系间野冇咩standard 可言，优惠𠮶part 又一时一样咁，教人无所适从。
另外大家可以留意番张单有个价值$20 ge 谜样cake charge, 研究左阵都冇人知系咩黎。切饼费？冇带cake 上去㖞。唔通系开头个硬包？又唔系cake 㖞。well.....
后话：
佢ge washroom 系走urban decay路线⋯但我唔识欣赏.... 唔建议食饭前去
张贴