品穀

营业中

休息中

每次出街觅食，都会揾下当区有无特色、或者人气面包店。今次黎荃湾，见到呢间品谷面包店有一款咖啡盒子，深深吸引中意咖啡甜品嘅我。咖啡盒子 $25夹果阵隔住个口罩都闻到咖啡香，平日中意饮咖啡嘅我，番到屋企急不及待打开😏。切开见到中间有个空心位，失望感当堂涌上😯，但仔细D睇，原来空心位有一堆咖啡酱，所以呢个位咖啡味最浓；其他位除左有咖啡香之外，仲会有朱古力味，咖啡配朱古力一定无问题。全个包甜度适中，不过略嫌麻烦，因为要自行搽匀中间D咖啡酱。芝士包 $36样子唔算好特出，大概长15cm，夹果阵FEEL到好坠手。呢个包出乎预料嘅烟韧😮、有弹性，大力压扁后，会弹回原型😲，外层要用扯嘅方法先咬得开😂；中间位置比较软弹。由于面包外层坚韧，加上屋企无面包刀，我用左牛扒刀、菜刀、生果刀先可以切开佢🤣，真系几费力….略嫌高溶点芝士集中系中间位，头尾一粒都无；面包质感唔错，但味道无好特别，加上价格偏贵，如果系附近好想食特色面包可以试下，但特登去买就唔驶。