影片
更多
2018-01-23
2882 浏览
身为屯门人，但平日喺屯门食晚饭嘅机会唔多，收工都夜，通常都喺旺角食完饭先番屋企，今日收早少少，可以同男朋友撑下枱脚。公司同事一早同我地提过呢间烤肉店，又话好食又话抵食，虽然位置唔算太方便，我都系喺新墟行过黎，原来比我想像中快。平日晚上，比我想像中多人，不过餐厅位置挺多，环境几大，空间感十足想起我上次黎卓尔居已经系多年前同家人喺楼上饮茶。近门口位置有清酒、啤酒柜，接著会见到自助调料区，有相当多选择。座位以卡座为主，坐得舒适。餐牌供应乌冬、韩烧、火锅等，价钱相宜，估唔到好似我地两个咁大食都系食左三百蚊，认真性价比几高点单采用平板电脑，几方便。烤炉上放有隔油纸，食物冇咁容易烧焦，而且枱面上已放有搽过油嘅替换纸，好方便，唔熟手亦可以请店员代劳更换。决定食烧肉后，我地点单不久，店员就送上生菜、前菜几碟，见枱面有孜然粉、海盐，我都懒得去拎调料，用孜然粉烧肉，正。整体肉类全部质素都唔错，而且睇番价钱一啲都唔贵，两人用份量刚好，腌料调味唔会太重手，我地喜欢包菜食，油腻感大减。美国牛小排 $70牛小排有十多片，唔会太薄身，肉味估唔到都几浓，加少少孜然粉，特别香，呢个价钱抵牛肉条 $42牛肉条厚身，口感丰
近门口位置有清酒、啤酒柜，接著会见到自助调料区，有相当多选择。座位以卡座为主，坐得舒适。
餐牌供应乌冬、韩烧、火锅等，价钱相宜，估唔到好似我地两个咁大食都系食左三百蚊，认真性价比几高
点单采用平板电脑，几方便。
烤炉上放有隔油纸，食物冇咁容易烧焦，而且枱面上已放有搽过油嘅替换纸，好方便，唔熟手亦可以请店员代劳更换。
决定食烧肉后，我地点单不久，店员就送上生菜、前菜几碟，见枱面有孜然粉、海盐，我都懒得去拎调料，用孜然粉烧肉，正。
整体肉类全部质素都唔错，而且睇番价钱一啲都唔贵，两人用份量刚好，腌料调味唔会太重手，我地喜欢包菜食，油腻感大减。
美国牛小排 $70
牛小排有十多片，唔会太薄身，肉味估唔到都几浓，加少少孜然粉，特别香，呢个价钱抵
牛肉条 $42
牛肉条厚身，口感丰富，烧完肉汁保持，唔老唔韧。
牛仔骨 $30
男朋友一直好钟意食牛仔骨，不过因为我唔系特别喜好，所以好少会食。
今日佢见30蚊就点左一份独食，肥脂均称，牛肉嚼劲十足，佢大赞好食
牛舌 $28
牛舌又系抵食之选，虽然佢开边，而且唔似日式牛舌咁带少少脂肪，但大大话话有8完整片，烧极都仲有，十分划算
墨鱼仔 $28
墨鱼仔腌得刚好，唔会太咸，所以我都好快食完，份量唔会太多。
一起烧鸡中翼 $28
鸡翼又系抵食，食过咁多烧烤，第一次见28蚊有5只，鸡翼轻手腌过，我钟意烧到㶶㶶地，加少少辣粉，好惹味。
鸡软骨粒 $32
鸡软骨粒份量不少，由于隔住油纸烧，火喉较易控制，唔会咁容易烧㶶，几脆卜卜，我谂起喺国内食嘅鸡脆骨串烧。
冻柠茶 $15、汽水 $12
饮品选择唔多，主要系汽水、茶啡。如果饮酒会有清酒、啤酒。
豆腐花（免费）
调料区附近有豆腐花限量供应，临走前一定要食番碗啊，虽然免费，但做得一啲都唔马虎，几有豆香，几滑溜架
张贴
