花見日本料理 (已搬遷) 新店位置

上个月庆祝生日，去左食午餐时段的omakasa，数埋应该有三个和食同10件寿司咁上下，人均1500，但最后食晒系饿住走。比到一个人1500，个师傅无好似其他舖头咁介绍下食材或者倾下计，每次放底旧野讲系咩就完，全程0交流，我认真未食过咁概omakasa 。食材好普通，大部份都食唔到个原味，最严重系件虾寿司，落左劲多虾縠粉，食落去完全得一种火烧概味道，虾概甜完全食唔出，虾膏个纯同浓都被覆盖，我见只虾系新鲜，但调味令佢失去应有概味道。另外一个和食蟹肉混蟹膏，食到我想吐，好腥，完全唔知食紧咩。临尾连玉子都无，比碗蟹汤我地，重问加唔加乌冬，其实都食到心灰意冷，饿都唔想食佢。寿司味道系正常概，但份量都较细，味道都唔特出，完全对唔住个价钱，唯一可取系外面概侍应真心好服务，我唔明佢概好评话性价比高系点来，可能每个人食个场感受都唔同，或者要求唔一样，个人感受只可以话食一次都觉得对唔住自己返工揾钱。