小城鎮 (已結業)

最近屋企附近开左间新餐厅，用火车做主题都几特别，所以就黎试下喇！黎到发现原来唔止得火车，仲有酒柜、旧试时钟等装饰，比人一种欧陆风既感觉。最得意系收银系火车售票处，每一个角落都配合到个主题。Menu上面食物都好多种类叫左2碟小食 - 鸡翼表面炸到好金黄，又唔会好厚粉，内里肉质都几滑。辣肉肠就正常水准。原来好戏在后头，个招牌猪肋骨果然系名不虚传。首先见到个份量已经吓亲，百几蚊竟然有2大旧猪肋骨，而且嫩滑多汁，个烧烤酱绝对系个精髓。最正系近骨位d肉，有少少焦焦地劲香口，完全系食到停唔到口。另外，仲有d薯角同配菜，好正，因为我好钟意食薯角，哈哈。黑松露蘑菇扁意粉，同猪肋骨一样，大碟同好平。重点系味道都好好，意粉唔会煮到好淋，够al dente；蘑菇香滑软熟，仲带有少少既黑松露香味，又唔会太over。饮品又系叫左个招牌 - 百果园水果茶，黎到既时候系好惊讶，因为系好大杯，系2个人都饮唔晒果种。水果茶好清甜，唔系街边用化学品冲果只味。杯内仲有多种不同新鲜既水果，可以一路饮一路食d水果。甜品叫左个柚子cheese cake同荔枝cheese cake，摆盘非常靓。我见店内其他食客系有不同款式既摆盘，