三川居酒屋 (已結業)

好耐都未返过日本既乡下，要去返件比较日本既居酒屋食饭来平衡下心情。我已经来过呢间三川第三次啦，觉得好日本，食物性价比好高！几旧水又个刺身拼盘，d 鱼，贝类又够新鲜，仲想点？新鲜大拖罗、金目鲷、银鳕鱼、羽太、带子、北寄贝、牡丹虾同法国生蚝。特别系个新鲜大拖罗，好Juicy，啲鱼油「必」晒出嚟。上网见到好多人叫大啡菇加明太子，咁当然系照跟啦，又真系几值得推介㖞。芝士铺系明太子面，咬落去有唔同嘅口感，芝士搭住𠮶种香味。朋友好钟意食牛舌、鸡肾、鸡皮、鸭舌、墨鱼咀，我比较钟意鸡肾同牛舌，厚身得来有味道同可以点辣酱。值得一提嘅系佢嘅辣酱，佢虽然系好辣，但系点左都仲可以食到食物嘅香味！白鳝块皮好脆，都系值得推介嘅！性价比超高！