鮪世市場 (鴻威大廈) (已結業)

旺角花园街一带原来隐藏咗唔少餐厅，呢日lunch试咗一间日式料理，颇有惊喜。午市定食主打有刺身丼饭同寿司定食等，价钱由$78- $278，配埋沙律、面豉汤同埋蒸蛋。火炙左口鱼边丼（$98）- 左口鱼好肥美新鲜，入口好滑，味道鲜甜。唔好见佢好似好细碗，原来个碗都几深，分量都唔少。炙烧寿司盛（$138）- 包括有八件寿司，几款刺身寿司都好新鲜，尤其系剑鱼腩、左口鱼、三文鱼，质素相当高。呢个set系炙烧寿司，带少少焦香味，令味道更加有层次。餐厅环境舒服，有卡位及吧枱选择，可以望住师傅准备食材。食物质素相当好，尤其系午市价钱更加抵食。