吉列牛忌廉烏冬專門店 (彌敦道) (已結業)

吉列牛忌廉乌冬专门店喺香港有两间分店，分别喺铜锣湾同埋旺角，地点方便👍🏻今次我去咗旺角分店，就喺弥敦道726号嘅17楼，喺地铁站行过去都唔使5分钟🤗店舖都几大，卡位旁边有大嘅落地玻璃窗，采光度高，感觉简洁明亮，好舒服☺️呢度嘅吉列牛同埋咖喱忌廉乌冬，一直好受欢迎，一场嚟到，我当然要食啦😆另外仲叫咗份小食鸡翼。吉列牛自己动手烧热，我钟意呢种做法，可以因应自己喜好处理个生熟程度😍烧起上嚟好香，食落去同样香口软稔，满意👍🏻套餐会配埋汤同前菜，仲有饭素饭，好惹味🍚而咖喱忌廉乌冬推荐大家必叫，咖喱味道好香浓，加咗忌廉落去好滑，配埋乌冬烟韧嘅口感，系多重享受啊🥹入面仲有牛肉同洋葱㗎。鸡翼有几款口味拣，我哋叫咗牛油蜜糖单骨鸡翼🐔仲加咗柠檬，所以食落去效果好清新，单骨鸡翼劲容易食，懒人恩物。