牛摩 (都會駅)

营业中

休息中

前排同一位同事推荐呢间位于调景岭嘅牛肉火锅放题，话呢度性价比好高㖞，一于黎试下啦！餐厅位于大型商场入面，搭地铁去非常方便。餐厅装修整洁，店员工作勤快。呢度有个好企理嘅自助火锅料区域，可以自己夹丸类、菜类、菇类、豆腐、面等，食材颇新鲜。酱料区都系全自助嘅！汤底选择好多，除左好多火锅餐厅都有嘅清汤、麻辣等汤底之外，呢度亦有比较特色嘅选择，例如我地当晚选择嘅「博多美人骨胶原啫喱鸡白汤」同埋「关东风寿喜烧」。我地当晚食嘅系$199嘅「美国特选牛肩胛」套餐，牛肩胛脂肪分布均匀，牛味十足，而且切得啱啱好，唔会太厚或者太薄，所以口感好好。除左牛肩胛之外，亦可以无限encore羊卷肉、鸡腿肉、豚肉等。我特别钟意羊卷肉，因为好新鲜好juicy！饮品方面，钟意饮啤酒嘅可以加钱order，我地当晚就无饮啤酒，因为樽装绿茶、可乐等已经够晒。甜品方面，呢度嘅雪糕系好高质嘅，好彩有留肚食。