金萬年酒家 (已結業)

今朝早又一支公，去咗黄埔呢间酒楼饮茶。呢间酒楼系某影视红星有份投资嘅，地方不算太大，环境都尚算清幽啦！价钱都相当大众化， 早晨孖宝都系$30，有虾肠拣， 喺呢个时候有咁嘅价钱，算系咁啦！另外特价点心款式都十分多。今日我冇食孖宝，点咗两款特价点心，一个怀旧鸭脚扎，一个鲜虾菜苗饺。鱼肚滑鸡扎大家就听得多啦，但系呢度嘅鸭脚扎就加咗一片鱼肚落去，当堂名贵咗，𠮶块鱼肚真系有用上汤喂过，鸭脚又十分惹味，有八角落去个酱汁，但酱汁油 唔会太浓，有一件芋头，有一块猪肉、虾肉、冬菇及少量肥肉搅制成肉馅，味道好好。呢个我十分推介。鲜虾菜苗饺，饺皮都尚薄，不太烟靭，馅料用上白菜同鲜虾，味道中规中矩。食两碟嘢， 都$53蚊，性价比好高。