法國飯店

营业中

休息中

暑假啦梗系要去返个阳光与海滩迎接美好嘅假期，游完水就要去餐厅食下啲好嘢👏🏻，今次就嚟到屯门黄金海岸嘅呢间法国饭店，环境已经觉得好优雅，估唔到食物嘅水准都好高级。风干火腿蕃茄酱焗烧春鸡都整得好好味，烧春鸡仍然可以保持内里口感嫩，而有肉汁，风干火腿嘅咸香味道都好出，两者配上配红酒好夹。传统法式油封烧鸭腿我都食过几次，我知道系需要浸泡在鸭油中烹煮，再经过低温高温烤焗，需要繁复嘅工序同时间。呢间餐厅我觉得都整得几好食同正宗，佢鸭腿外皮烤到卜卜脆，劲松脆！连埋鸭肉一齐食，真系唔错。