影片
更多
2023-03-12
634 浏览
终于食到人气爆灯嘅寿喜烧！餐厅主打关西风寿喜烧，师傅席前料理，确保每块A4近江牛 入口一样嫩滑带焦香！夜晚黎到，人均$730就食到sukiyaki set，有四大块和牛、前菜、茶碗蒸、饭、甜品，性价比都几高！难怪咁难book！餐厅另设shabushabu set $730 (可选牛/猪) 同埋需提前预订嘅omakase $1480up~餐厅每月一号开放下个月嘅预约，听闻1号电话长期打唔入，想特别日子或假期食就最好1号登门造访啦~ (真人实测1130去排都只系排紧第3位) 不过朋友仔就试过月中打电话去成功执鸡Sukiyaki Set $730🔅前菜金时蕃薯｜翡翠银杏｜烧茄子🔅茶碗蒸海苔蒸蛋够晒软滑，略嫌调味偏重，蛋味较淡🔅A4近江牛肉眼｜西冷｜两款牛肩肉｜牛舌 (+$100)和牛油花超靓！由较淡嘅肉眼食到较浓嘅牛肩，每块都好软嫩无筋，更带焦香！较多脂肪嘅肉眼｜相较软滑，肥膏位入口即化，但亦较淡，唔蘸蛋汁食先最能感受到佢嘅牛味，亦容易被甜甜嘅酱汁抢过。当食到肉味浓郁嘅牛肩｜蘸上蛋汁则能够令口感更滑嫩，同时蛋香唔会盖过肉味。单纯配饭都唔错，既享受到肉味脂香嘅澎湃、酱汁嘅浓郁，又可以减减腻。追
餐厅每月一号开放下个月嘅预约，听闻1号电话长期打唔入，想特别日子或假期食就最好1号登门造访啦~ (真人实测1130去排都只系排紧第3位) 不过朋友仔就试过月中打电话去成功执鸡
Sukiyaki Set $730
🔅前菜
金时蕃薯｜翡翠银杏｜烧茄子
🔅茶碗蒸
海苔蒸蛋够晒软滑，略嫌调味偏重，蛋味较淡
🔅A4近江牛
肉眼｜西冷｜两款牛肩肉｜牛舌 (+$100)
和牛油花超靓！由较淡嘅肉眼食到较浓嘅牛肩，每块都好软嫩无筋，更带焦香！较多脂肪嘅肉眼｜相较软滑，肥膏位入口即化，但亦较淡，唔蘸蛋汁食先最能感受到佢嘅牛味，亦容易被甜甜嘅酱汁抢过。
当食到肉味浓郁嘅牛肩｜蘸上蛋汁则能够令口感更滑嫩，同时蛋香唔会盖过肉味。单纯配饭都唔错，既享受到肉味脂香嘅澎湃、酱汁嘅浓郁，又可以减减腻。
追加嘅牛舌｜一份四片，一款爽弹，一款软腍带弹性。两个人黎不妨嗌一份过下口瘾~
🔅野菜
估唔到间场嘅蔬菜都咁岀色！洋葱爽甜毫不辛辣，豆腐绵滑带豆香，蒟蒻面弹牙吸满酱汁，全部都好入味~
🔅滑蛋牛肉饭
师傅先将牛肉碎炒香，再加入蛋液。蛋好滑，
牛肉粒软腍唔柴，不过呢个集全晚精华嘅滑蛋就无想像中咁浓牛味脂香🔅甜品
北海道奶冻｜苹果啫喱
张贴
