龍平沾麵製作所

营业中

休息中

少来太古，唔知食咩好，见到呢间拉面店唔算太贵打算试下。虽然佢出名系沾面，我见到沾面个样都好吸引，个汤仲系石锅装的，非常存热。但系我同朋友都钟意食拉面多啲，所以各自叫左一碗 赤海老叉烧拉面（$78）。佢本身已经有2块叉烧、蛋、木耳丝、荀、紫菜。呢个价钱黎讲乜都有齐都几抵。佢的叉烧好厚好大块，炭烧味重；不过朋友的叉烧咁啱就比较肥，我个块就平均。荀都好甜好入味，其他正常。本身谂住海老会有啲虾味，不过汤底都系猪骨汤，唔太有虾味，唔可以expect 虾汤个种感觉。佢仲送左一杯冻玄米茶，都几细心。虽然个拉面个味就正正常常，唔系有咩好特别，不过都觉得几抵食。