紅米 (億利工業中心)

营业中

休息中

响出边做完嘢有个朋友叫我过去荔枝角同佢食饭，本来系食午饭嘅，但系因为大家都迟咗，所以变咗去𠮶度食下午茶，跟住佢叫咗我去呢间红米𠮶度食。地点真系好方便，荔枝角地铁站D2出口𠮶条马路行两步就已经，好容易揾。返回门口就难睇少少，因为见唔到佢个餐厅名。入到去地方都算干净企理嘅，而且下午时间冇乜人。睇完佢个餐牌之后突然间有啲想食酸菜鱼，所以就叫咗佢个老坛酸菜鱼芫荽泡椒汤饭，出到嚟都好有惊喜，一来味道都好友酸菜鱼𠮶种味道，二来佢嘅份量都唔系细分，以下午茶来讲性价比真系高，食落去亦都算系好味嘅。最后仲有小惊喜，就系如果每人食嘢超过$50仲有一杯雪糕送，所以今次下午茶都食得几开心，而喺荔枝角区嚟计呢间性价比同味道都算几好。