等你 _ _ (已結業)

筲箕湾东大街本来就食肆云集～但一直唔觉有台湾菜，有日行过路经呢间台菜见价钱好似几抵😎就去咗试下，后来再返左去试佢哋嘅刨冰 😛 宜家一次过讲卤肉鸡排饭 ❤️ ($53) + 卤水蛋 ($8) + 饮品 (+$10)评分：8/10.其实如果纯粹讲性价比应该有8.5分唔止。首先个饭咁样嘅配搭只系$5X 真系好少有 (多数有鸡排就冇肉燥，一系就双拼嘅话贵$20 😅) 卤肉肥瘦好均匀，汁亦好多 + 少少浆口 😀 但有一个特别地方佢呢度嘅卤水汁都有阵姜醋嘅甜味。我自己都系钟意食净卤肉饭嘅味多啲。但有特色系真嘅，至今未食过咁样嘅卤肉饭，有一种另类嘅层次。卤蛋见到好多刀纹 😂 觉得几得意～估计系因为咁样可以令卤水汁更加容易渗透入蛋入面。鸡扒真系要俾90分!!! 超级厚肉，嫩滑，唔干，同埋炸粉只系疏落咁铺满薄薄一层，唔会太过脆口而保留唔到肉原有嘅质地四种黑糖刨冰 ❤️ ($40)评分：7/10.本来觉得足料好惊喜 😍 因为刨冰中伏机会都几大 (多少稀疏的冰淡而无味 💩) 不过呢啲反而就味道超级明显但溶得真系太快。芋圆嘅份量真系好佩服佢哋可以俾得咁慷慨，亦都唔硬。仙草略嫌唔够流质配料，但整体配料其实都冇问题的