古早味台灣原味 (已結業)

成个农历新年大食妹都同屋企人食住家饭...好耐冇出过街食啦 今日就约咗朋友仔去铜锣湾食台湾菜 朋友仔同大食妹不约而同地拣咗呢一间古早味台湾原味果然系接触的越多嘅人会越嚟越同步呢<酥炸盐酥鸡>盐酥鸡嘅份量唔系好多, 但胜在新鲜炸出来 外面脆卜卜, 里面保留咗鸡块鲜嫩嘅肉质 调味方面偏淡... 食完唔会口渴<九层塔手抓饼>另外大食妹仲拣咗个九层塔手抓饼 酥脆嘅外皮, 里面加入咗九层塔香料, 特别得嚟又好味 发现台湾料理里面好钟意加入九层塔呢种香料呢<古早味牛肉面>嚟食台湾嘢, 点可以唔叫返个牛肉面呢~古早味嘅牛肉面汤底酸酸地, 面底应该系手工制嘅刀削面粗幼不一, 但食落非常烟韧, 系大食妹钟意嘅口感而朋友仔就盛赞佢嘅牛肉, 既厚身又嫩滑<干贝樱花虾荷叶饭>最后我哋仲叫多咗个干贝樱花虾荷叶饭 饭底系糯米饭, 面头落咗好多嘅虾米同樱花虾, 中间埋咗一粒干贝 蒸嘅糯米饭偏软烂, 虽然好足料, 但大食妹就唔系咁推介啦