木槇料理 (已結業)

今晚我地又去左湾仔接朋友收工顺便食饭，去左呢间朋友推介嘅日本餐厅，木槙料理。入到去，环境整齐卫生，木枱凳增加了不少日本风情，细读餐牌后，我点了木槙寿司刺身定食配日式蒸蛋及和风野菜沙律。一上碟未食就已经好吸引，食欲大增，寿司刺身摆放得好靓，而且一望就知食材新鲜，当中有大虾，海胆，烧三文鱼寿司，烧带子寿司，吞拿鱼寿司，鱼子寿司，蛋等等。海胆同烧带子系我一向至爱，海胆好鲜甜，配了紫菜食，外脆内嫩，带子外面轻轻烧过，带子内仲保留住湿度同嫩滑，当然都好鲜甜啦，咁先正！另外蛋都好好味，好软又好滑，应该加左吾少奶，不过仲好重蛋味，好味道丫！除了一大盆嘅寿司刺身，仲有一碗乌冬暖返个胃，乌冬都好弹牙，汤底清甜，食晒超饱丫，完成吾系人地成日话食吾饱嘅日本餐啊！