台北巷弄 (已結業)

疫情严重，又懒得煮饭，放工都系买外卖返屋企食！今晚就拣咗将军澳广场呢间台湾野 😝晚餐主要系卖几款台式便当，有卤肉、鸡翼、台式排骨、盐酥鸡扒等等，价钱由$50-70。🔸盐酥鸡扒便当🍱拣咗盐酥鸡扒便当，便当非常丰富，附有卤肉、溏心蛋、配菜同汤。卤肉半肥瘦，捞饭食好食，一人份量啱啱好，仲有只溏心蛋好入味！鸡扒香脆嫩滑，配菜开胃，特别要赞粒蕃茄，非常甜！便当送埋汤，本身就无乜期望，但反而有啲惊喜，卖相虽然普普通通，但饮落仲有虫草花。成个Set都跟足台湾，有诚意！🔸 花枝丸$13可以加半份小食，可以有甜不辣、酱油鸡翼或花枝丸拣一款，拣左花枝丸，非常有咬口。半份嘅份量得两粒，不过都够食。🔸仙草冻奶茶跟餐饮品正价减$10，$10有一杯仙茶冻奶茶，唔算好甜，几抵饮。