木船 (已結業)

今日天气明明话得19度但系又好似好热咁，想食啲酸味味嘅嘢，就同阿妈去咗食泰国菜。今次发掘到一间开咗一段时间但系未去食过嘅泰国菜，原来呢度系一间主题餐厅，一入到去就好似入咗一只船对面食嘢咁样，连橷都系木桶形，几有特色。嘢食方面都几高质，连我平时麻麻哋钟意食嘅嘢都觉得几好味。妈妈点左一个青木瓜沙律$62，平时去食泰菜嘅时候都觉得木瓜沙律有啲怪味，但呢度个木瓜沙律甜甜地，木瓜爽脆，令我对木瓜沙律完全改观招牌菠萝炒饭配虎虾$158出面食菠萝炒饭好多时大家都会挂住个菠萝会唔会重用，但呢次食菠萝炒饭一定唔使担心，因为佢连菠萝肉都整埋串烧比你食，黄姜饭仲有甜甜嘅菠萝香，摆盘又靓，绝对值得一试。Combo 小食拼盘 $52呢个小食拼盘两个人食啱啱好，每样野都有两件唔使争，炸物香脆而不油腻，尤其系脆皮春卷，外层特别香脆，鱼饼亦冇腥味，不错的小食选择最开心系拣咗两杯好正嘅嘢饮，脆爆芒果园 $58，泰国巧克力巨人$58，两杯都系King size既野饮，呢度虽然冇酒饮，但系有好多新鲜果肉整嘅特饮，就算当系嚟食甜品都得。