113
3
2
等级2
5
0
2023-07-04 230 浏览
行过土瓜湾旧街,见到呢间新开既餐厅靓靓地一直想试下。今日收工又经过,望下餐牌,「纽西兰肉眼扒」$328。心谂土瓜湾旧街求其一条街都敢收呢个价钱,应该有啲信心。惊中伏上黎OpenRice望下: 10好评、1中等、零负评。心谂应该无死就入左去。点左「纽西兰肉眼扒」$328晚餐。首先上既系餐汤质地同口感几特别,味道就一般。跟住上头盘,一只焗蚝,味道都唔差。点知上主菜,一望就觉得唔对路,块扒出奇地大但极淡色、同块肉旁边既脂肪质地好唔对路,腌过粉既嘅脂肪先会咁质地/形状。心谂无理由既,土瓜湾咁既价钱,应该错觉黎架啫。切开一旧黎食,跟住我真系呆左…极松散既肉质,零牛味既肉,同好明显系落过粉既口感,真系茶餐厅杂扒饭既质素。咁都收我328蚊?!我坚系呆左。呆多阵我切多一旧黎食,一样咁难食。一路咬一路心谂都几唔好彩,328大元食啲咁既野,又心谂生意系咁难做要赚到咁尽… 呆下呆下发现自己咬左好耐都无吞,原来真系难食到吞唔落。跟住我含住旧肉,呆左3-5分钟。我都有唔少朋友搞餐厅,知生意唔易做,但我真系连吞都吞唔到,食唔落,我心谂系咪就咁埋单走算呢?但你生意难做我揾钱都唔易呀,无理由你咁难食收我300几蚊架?
更多
行过土瓜湾旧街,见到呢间新开既餐厅靓靓地一直想试下。今日收工又经过,望下餐牌,「纽西兰肉眼扒」$328。心谂土瓜湾旧街求其一条街都敢收呢个价钱,应该有啲信心。


惊中伏上黎OpenRice望下: 10好评、1中等、零负评。心谂应该无死就入左去。


点左「纽西兰肉眼扒」$328晚餐。


首先上既系餐汤质地同口感几特别,味道就一般。跟住上头盘,一只焗蚝,味道都唔差。
餐汤
2 浏览
0 赞好
0 留言


点知上主菜,一望就觉得唔对路,块扒出奇地大但极淡色、同块肉旁边既脂肪质地好唔对路,腌过粉既嘅脂肪先会咁质地/形状。
纽西兰西冷扒
$328
7 浏览
0 赞好
0 留言


心谂无理由既,土瓜湾咁既价钱,应该错觉黎架啫。切开一旧黎食,跟住我真系呆左…


极松散既肉质,零牛味既肉,同好明显系落过粉既口感,真系茶餐厅杂扒饭既质素。咁都收我328蚊?!我坚系呆左。呆多阵我切多一旧黎食,一样咁难食。一路咬一路心谂都几唔好彩,328大元食啲咁既野,又心谂生意系咁难做要赚到咁尽… 呆下呆下发现自己咬左好耐都无吞,原来真系难食到吞唔落。


跟住我含住旧肉,呆左3-5分钟。我都有唔少朋友搞餐厅,知生意唔易做,但我真系连吞都吞唔到,食唔落,我心谂系咪就咁埋单走算呢?但你生意难做我揾钱都唔易呀,无理由你咁难食收我300几蚊架?


呆坐完我忍唔住叫佢地揾老板黎,佢地话老板未返,问我咩事。我话你块牛扒茶餐厅质素,落过粉,你收我328大元,我真系过唔到自己𠮶关,食唔落。佢地话佢地唔落粉,我心谂唔落粉可以咁既质地真系犀利。


佢地问我转唔转其他野,我话唔洗,大佬退完野比人加料点算?我叫佢地退左佢收返我食左既钱算。


佢地话要问下师傅先,攞左份野入去成5分钟,之后出黎话收我58蚊个汤同头盘。我照比左。


走既时候我同佢地讲,块野你真系自己切旧试下。其中一个员工话,我地试左,真系难食过花园餐厅。我话咁你明白我点解要退啦。


呢篇野真系唔打唔得,因为我唔想有人重覆我既经历。味道同性价比都系负十分。
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐途径
堂食