伽倻韓國餐廳

今晚惊朋友介绍，一同四人嚟呢间餐厅食晚餐，结论系一个字-伏。除咗环境干净以外，完全唔掂。我哋叫咗4人餐G餐，肉类上枱时偏少，味道一般。一上菜只有少数几碟嘅伴菜，一人一啖都唔够。当我地想叫侍应添加Kimchi后，有个貌似经理嘅肥矮女士态度极差，然后加咗碟豆芽白菜后就讲明冇得加㗎喇，认真系一人一条白菜都唔够。从来都未见过韩国餐厅俾Kimchi嘅数量系咁少。另外包肉嘅生菜一人得两块。食哂烧肉同啲煎饼同饺子之后，全靠个部队锅烧先食得饱。最后上甜品前，见之前咁嘅质素本身都打定输数，谂住系一份冰雪4人分，都算喇。突然侍应话系一人一碗同埋自己拣味，所以喜出望外。结果！！！系一人一小碗大过$5蚊银少少嘅冰雪，完全唔绵滑，仲要起哂硬冰。最后埋单一人$500。其实成程一路食一路失望。真系后悔黎呢度食饭，比钱买难受。嚟之前请三思。