The Right Place (寶勒巷)

营业中

休息中

佢嘅招牌五花腩个皮好脆，但就真系得个皮脆，就系一旧几好食嘅烧腩仔，大家想食建议去好食嘅烧味舖，呢个价钱可以食好多。到个牛肉他他，不过不失，冇乜特别。鱼柳薯条叫做正常。再嚟个意粉，蚬肉蒜蓉意粉，如果系钟意食香叶嘅人可能觉得还好，因为系好重香叶味但冇蒜味，我个人唔太接受好重香叶味，所以接受唔到，但啲蚬系好食嘅，多汁饱满唔腥。最后啲嘢饮，叫咗四杯cocktail，唔太记得个名，凤仙得一般好浓嘅香蕉味，冇芒果味。醉柠茶普普通通过得去。仲有杯咸醉柠？冇乜酒味，对于cocktail嚟讲系好失望。不过啲员工服务几好，有礼貌嘅。同埋唔知系咪时间问题，我哋6:30入座，到7:30左右走都唔见有live music。同埋好少去呢啲餐厅可以一个钟就走，啲嘢又唔系好食又细份。食啲咁嘅嘢埋单人均三百几… 见到呢间好多打手，唔希望再有人中伏。