牛肉拉麵 (已搬遷) 新店位置

收左工之后要去黄埔就俾d野个朋友，见到e间餐厅，揾下openrice 之后发觉原来系手拉面，钟意食面嘅我就当然唔会错过啦，就系咁就冲左入去啦！望完个餐牌之后，心念有无搞错，咁鬼平呀！之后就点左个牛肉面，而面就选择左粗面啦。等左一阵，面上枱啦！试下啖汤先，汤就较为清，有少少牛肉味，就唔系好浓，而牛肉餐厅就选择左用牛肋条，牛肋条都几有口感，同埋时间都控制得几好，唔会炆得太耐而令到旧肉烂晒。之后到面啦，面望落去就系粗幼不一，正正系手拉面嘅特点啦，如果用机制就会粗幼一样啦，咁食落去都非常弹牙，而且都好滑，咁嘅价钱有咁嘅水准绝对系非常非常之难得，会再黎。