一焼肉

营业中

休息中

上水广场新开左间一人烧肉，收工时间7点去到都唔洗等位，直接入座试下先🤤。烧肉定食 - 精选牛三食 (250g $128)晚餐会有定食套餐，嗌左精选牛三食🐂，分别有牛五花、牛板翼、牛舌，配有白饭🍚、汤品及小食🥗。白饭分别有大细两个份量可选，我拣左细嘅，同埋加左9蚊转海荅饭，而小食有泡菜、是日渍物、枝豆可以拣，我拣左是日渍物，系有腌渍嘅青瓜🥒及牛蒡。每款牛都有6片，份量颇多👍🏻，最后系食晒碗饭都剩低啲肉。牛五花肥瘦相间，烧完之后，充满油脂感，厚实嘅肉感唔会好柴或者好腻，啱啱好🤩。牛板翼见到啲筋同油花，食起上黎有咬感，牛味浓都😋。牛舌薄薄一片，肉质十分软嫩🤤。餐厅仲提供左唔同嘅酱汁同盐，可以根据自己喜好沾点唔同肉类👏🏻。整体而言，性价比极高嘅一人烧肉🫶🏻，宜家中午仲推出左 60分钟放题烧肉。提提大家，佢地晚市用餐时间系 60分钟，唔收现金，只收电子支付，仲要系手机度自己完成结账，虽然系好方便，但大家如果想帮衬就记得留意啦🤓。