影片
更多
2023-12-13
44 浏览
海葡萄沙律海葡萄好爽口，亦都好清新。搭配沙律醋同海带，口感好特别，爽同淋不停喺个口度交替嘅感觉。令到食主菜前十分开胃。烧象拔蚌今日店员话呢个好新鲜，本身以为吹水。点知一嚟到香味十足，见佢面头配上蒜蓉同青葱。食落口象拔蚌非常弹牙，果然冇吹波。我都十分推荐大家试吓。烧白鳝串我见佢餐单上推介呢个，于是叫一串食吓。点知真系物有所值。今次我拣咗盐烧食鱼本身嘅味道。食落口肉质非常结实，好有实在感。亦都十分香口。烧牛舌串烧牛舌非常弹牙入味，食落口好有满足感。而且非常有牛味，亦都唔会烧到好干身，都好juicy。烧鸡皮烧鸡皮会有啲肉同脂肪黐住，相比之下就会有少少肥腻。但系反而令到成串烧鸡皮嘅口感上升不少。黑松露珍宝菇薄饼呢个薄饼真系一流，首先佢个饼底已经好特别，手抓饼饼底。珍宝菇系用几种菇沟埋。焗完之后个饼底有啲淋，不过呢个先至系精粹，佢将焗出嚟𠮶啲菇汁，收晒落个饼入边。加上有黑松露味，令到个Pizza 食落口好多层次感觉。呢个真系值得推介！烧茄子烧茄子十分大碌，性价比好高。佢个茄子就唔会烧到啲皮烂晒，或者皮同肉分离唔到。鳗鱼炒饭鳗鱼炒饭汁同埋饭嘅比例相当好，每一粒饭同埋汁都捞得好匀循。唔会出现一啲白饭
海葡萄好爽口，亦都好清新。搭配沙律醋同海带，口感好特别，爽同淋不停喺个口度交替嘅感觉。令到食主菜前十分开胃。
烧象拔蚌
今日店员话呢个好新鲜，本身以为吹水。点知一嚟到香味十足，见佢面头配上蒜蓉同青葱。食落口象拔蚌非常弹牙，果然冇吹波。我都十分推荐大家试吓。
烧白鳝串
我见佢餐单上推介呢个，于是叫一串食吓。点知真系物有所值。今次我拣咗盐烧食鱼本身嘅味道。食落口肉质非常结实，好有实在感。亦都十分香口。
烧牛舌串
烧牛舌非常弹牙入味，食落口好有满足感。而且非常有牛味，亦都唔会烧到好干身，都好juicy。
烧鸡皮
烧鸡皮会有啲肉同脂肪黐住，相比之下就会有少少肥腻。但系反而令到成串烧鸡皮嘅口感上升不少。
黑松露珍宝菇薄饼
呢个薄饼真系一流，首先佢个饼底已经好特别，手抓饼饼底。珍宝菇系用几种菇沟埋。焗完之后个饼底有啲淋，不过呢个先至系精粹，佢将焗出嚟𠮶啲菇汁，收晒落个饼入边。加上有黑松露味，令到个Pizza 食落口好多层次感觉。呢个真系值得推介！
烧茄子
烧茄子十分大碌，性价比好高。佢个茄子就唔会烧到啲皮烂晒，或者皮同肉分离唔到。
鳗鱼炒饭
鳗鱼炒饭汁同埋饭嘅比例相当好，每一粒饭同埋汁都捞得好匀循。唔会出现一啲白饭嘅情况，而且炒饭入边加有鳗鱼粒同埋洋葱粒令到炒饭口感有啲不同。另外佢再喺面头会加两块鳗鱼。十分足料！个人相当推荐！
环境
虽然系舖仔，用膳位置喺阁楼位置，不过布置相当日式，亦都叫咗一杯1664，佢用冰杯上，令到啤酒都十分冰冻。店员都好有礼貌，态度和蔼周不时会同你推介边啲好食。佢亦都会同你讲，你叫餐单上面嘅嘢今日唔系太新鲜，会推荐你食其他。呢种态度相当好！我相信呢间餐厅日后都会成日过嚟，嘢食一流同埋环境都比到一种好舒服嘅感觉！
张贴
