Pho Bar (已結業)

Pho Bar之前起完越南，越南河心癮起，所以就經過周圍八下邊道有越南河食，于是就嚟咗呢間「Pho Bar」生熟美國頂級牛肉（河粉）第一眼見到碗河嘅感覺喺「嘩！都幾大碗」，再望一望個價錢「嘩！計落性價比咁高」。牛肉始終唔喺牛扒咁厚身，所以唔能夠話有口感，但喺有幼嫩口感。個湯底真心覺得無敵，喺我鍾意食果種濃濃嘅湯底，濃得嚟仲有種甜味。其實成碗麵食晒喺夠飽肚，女仔可能會食唔晒要2個share。至尊（生熟牛柳、牛腩、牛肉丸、牛柏葉、牛𦟌、扎肉、金邊粉）湯底、牛肉質素、份量、配料樣樣都同生熟牛肉河一樣。只不過再多咗d香港人常食嘅餸。但喺同金邊粉比，我個人鍾意食河粉，感覺上滑好多。秘制雞翼食得出喺有蛋黃味，但因為食唔出好鹹嘅味，所以唔知喺咪鹹蛋黃整。呢款雞翼幾好食，表面脆脆地，內層又嫩又熱。會有種受唔住狂追住食嘅感覺。