味真

营业中

休息中

净系前菜都好丰富，佢有凉拌萝卜干、沙参，腌制茗葱，泡菜，生菜沙律，腌莲藕同豆干。个人好中意食佢莲藕，甜甜哋，口感少少粉。猪三层肉佢个猪三层肉可以话系系呢度嘅必试之选，肉质鲜嫩多汁，脂肪分布得几均匀。烧过之后，外面脆脆哋，香味四溢，而且完全唔会觉得好油腻，点埋个酱酸酸甜甜咁好好食！！猪梅肉 佢个猪梅肉望落好肥，但系真系好好食，烧到焦香金黄后，如果怕油可以用生菜夹住，再加啲酸萝卜片，味道丰富得嚟又唔怕腻，每一啖都系享受。牛肋肉牛肋肉肥瘦适中，肉质嫩得嚟带啲牛油香，烧完会帮你剪成细细旧，可以点唔同酱料食。个人感觉点盐同埋个甜酸酱都好好食！韩式鸡蛋羹叫咗个韩式鸡蛋羹，原本睇佢个样以为煮得耐咗，但食落完全唔会觉得“鞋”，而且好香蛋味，同埋佢入面加咗啲配料，令到食落唔觉得寡，大大碗食晒都唔觉得腻～肥牛面豉汤感觉佢个汤都几香浓，但系又唔会太重面豉味，而且好多料。有好多肥牛，豆腐同其他配料。如果配面或者白饭应该都可以食到几碗～有汤有前菜又可以食烧肉，仲要唔使自己落手烧，先至人均$200都唔使，真系好抵！