Amici (已結業)

同好耐无见嘅朋友食饭，专登Book咗间喺中环都几出名嘅Fine Dining嚟试下。见到个Menu有Lobster Set，我同朋友都即刻拣呢个Set嚟试。落咗单之后，先上个餐包，啲包非常软熟，食完已经都跟住落黎嘅Set 好有期待。前菜叫哂蓝水晶虾薄片同鹅肝焦糖布甸去试。蓝水晶虾薄片第一次食蓝水晶虾，虾身好爽，有少少脆，好清新嘅感觉。鹅肝焦糖布甸同蓝水晶虾薄片唔同，呢个前菜非常浓味，厨师将鹅肝Blend入喺布甸入面，食落去啖啖都有鹅肝，暖暖地，令人食欲大增，系一道满分嘅前菜。龙虾浓汤名副其实，龙虾鲜味非常足嘅龙虾汤。烤龙虾拼海斑鱼 （请原谅咁迷幻嘅相，实在喺太心急，一心想快啲食到个主菜，完全唔为意张相Blur哂）半只龙虾同鱼嘅份量相当足够，火候掌握到好好，龙虾非常弹牙，鱼肉好滑，唔会好干。烧焦糖班戟配蜜糖脆脆雪糕唔会好死甜嘅甜品，食落去清清地，中和番成餐龙虾嘅浓味，完美收尾。