小肥牛蒸氣石鍋火鍋專門店 (已結業)

小肥牛蒸气火锅，之前已经听过佢个名架啦但系一直都冇机会试，今次终于有机会啦，即刻叫佢个龙虾鲍鱼粥底4人火锅套餐试下。个套餐系4人同行1人免费架，包左8款海鲜另外仲有50几种火锅配料俾你拣，真系多到唔知拣咩好呀。首先会有四种唔同既时令蚬贝落锅，好似青口、马刀贝咁。每一种都好鲜甜又弹牙，食得出好新鲜。再用蚬贝淆出黎即汁黎煮佢独家调制既粥胆。店员仲话粥胆上淋有龙虾汁再配少量提子干能令到粥底更有鲜味。依个时候再落龙虾入粥底，龙虾弹牙爽口，又吸收到蚬贝既鲜甜味，令到龙虾既味度比外间食到既更鲜甜。之后先再落鲍鱼、龙趸片、虾等等既海鲜配料落粥底度继续煮。每一样海鲜配料都食得出好新鲜，尤其鲍鱼真系好弹牙呀！终于系时候试个粥底啦，个粥底食出精髓，极级鲜甜，食到哂八款海鲜既甜味，有得输呀。跟住就可以落自己拣左既火锅配料啦！每一款都唔会令你失望，一啲都唔马虎！最后梗系要食番碗粥！精髓都系哂碗粥度，真系令人回味无穷呀，有机会一定会再去。