古今

营业中

休息中

旺角有好多好嘢食，朋友介绍呢度新开左间日式餐厅，咁就一于嚟试吓啦。去到虽然时间只系六点几，但系入边已经坐满晒，如果想试嘅记住早啲嚟拎位啦。日式麻酱豆腐沙律 虽然本身唔系特别钟意食麻酱，但系佢嘅麻酱味唔算太重，而且有好多豆腐同蟹籽，食落好清爽，而且开胃。午夜牛郎佢个名好特别，原来佢系三文鱼牛油果同埋芝士，食落估唔到出奇地夹，而且佢有好多三文鱼，三文鱼食落都好新鲜。虽然有芝士，但系食落都唔会好腻，不过好有饱肚感。豚肉泡菜锅加蔬菜拼盘一上枱估唔到个锅咁大，而且有非常多嘅豚肉，衬埋泡菜有啲辣辣地，食落非常开胃。佢嘅豚肉厚薄适中，而且唔会太肥，非常推荐大家试吓。呢间日本菜又平又抵食，而且食物好有特色，非常推荐大家嚟试吓。