壹玖陸零 (已結業)

餐厅系复古风嘅装修，播放住oldies 嘅音乐，座位舒适。前菜大力推介八爪鱼薯仔沙律！八爪鱼超级爽口，薯仔蓉已经调咗味，再配上沙律菜加少少沙律醋，超级令人开胃。另外，最钟意猪鞍个主菜，肉质细嫩，口感极佳。而且份量一啲都唔细！配菜亦都唔求其！！仲有蜜糖鸡翼都超级好味，个皮脆卜卜，里面啲肉又滑又林。餐厅侍应超细心，最后送咗白兔糖奶冻俾我哋，超香白兔糖味，但系又唔会太甜，奶冻面有脆脆，奶冻好滑，口感超好。