影片
更多
2022-11-25
198 浏览
呢间系真系要宣扬的一间OMAKASE=]觉得夸张的话就自己去试下先啦~真心我觉得性价比好高, 我自己就有系中环湾仔铜锣湾唔同区都有食过!!本身比较钟意食~但系呢间系我会不停KEEP住食的一间OMAKASE!!DINNER同LUNCH都食过~ 各有不同..佢的MENU款式同内容黎讲真系物超所值呀!!而师父都真系睇得出系好有心机的!!!!食完系会想期待下一次再黎食~如果要用形容..我会形容成我钟意每款刺身/寿司你都会食到唔同的味道~系本身鲜味加埋呈现的方式同有D油分重的鱼油味都唔同..你唔会只系觉得自己食紧"鱼生"一大GROUP生的刺身感觉!!我就拣左$780的餐..佢有埋生蚝...系好鲜甜好味的生蚝呀!!仲要系有名有牌子的生蚝呀咁岩个日..系呢家都几出名的"令和之怪物"!!!!!!!!!!!!!!!!!!!!而呢个餐手卷系三色手卷!!好开心架!!!真心觉得好值得呀!!!试过其他地方食成$1000蚊的LUNCH OMAKASE真系..同呢度冇得比!!!比大家睇下我个日食左咩先~好野真系要分享!!!!!!!!赤𫚭鱼 - with 紫苏花柚子酸汁北海道狮鱼 - 油香好正, 口感好特别, 爽爽地
觉得夸张的话就自己去试下先啦~
真心我觉得性价比好高, 我自己就有系中环湾仔铜锣湾唔同区都有食过!!
本身比较钟意食~但系呢间系我会不停KEEP住食的一间OMAKASE!!
DINNER同LUNCH都食过~ 各有不同..
佢的MENU款式同内容黎讲真系物超所值呀!!
而师父都真系睇得出系好有心机的!!!!
食完系会想期待下一次再黎食~
如果要用形容..我会形容成我钟意每款刺身/寿司你都会食到唔同的味道~
系本身鲜味加埋呈现的方式同有D油分重的鱼油味都唔同..
你唔会只系觉得自己食紧"鱼生"一大GROUP生的刺身感觉!!
我就拣左$780的餐..佢有埋生蚝...系好鲜甜好味的生蚝呀!!
仲要系有名有牌子的生蚝呀咁岩个日..
系呢家都几出名的"令和之怪物"!!!!!!!!!!!!!!!!!!!!
而呢个餐手卷系三色手卷!!好开心架!!!真心觉得好值得呀!!!
试过其他地方食成$1000蚊的LUNCH OMAKASE真系..
同呢度冇得比!!!
比大家睇下我个日食左咩先~
好野真系要分享!!!!!!!!
赤𫚭鱼 - with 紫苏花柚子酸汁
北海道狮鱼 - 油香好正, 口感好特别, 爽爽地, 香味会留o系口度=]
秋刀鱼 - 秋刀鱼SEASON!!劲正!! 配上九州博多姜葱, 鱼的鲜味更提升!! 佢有好独特的油甘香!!师傅仲整左秋刀鱼两食!!正!!
新鲜的北寄贝 - 唔同平时我地见到个D架, 好爽口, 同埋阵阵海水的味=]本身钟意食贝类的我真系好开心!!佢配青柠汁少少, 再突出佢的鲜味!!
好得意架, 师傅会拍一拍佢, 佢会郁架(意思系佢神经收缩)!!!
熟食方面就有𩽾𩾌鱼..我个人觉得好特别..职员有介绍佢地系自己师傅㓥因为识㓥呢个鱼的人唔系好多!!同埋佢地系成条原整的处理!!!黑色系鱼皮, 配娃娃菜同大葱!!!仲有当然个汤系热辣辣的鱼汤!!
好开心有呢个热食呀!!𩽾𩾌鱼肝成日听..好似第一次食𩽾𩾌鱼!!!!!!=]好有心的热食!!
好多相好多款想放上黎但系数量限制左, 中间仲有矶边烧带子, 用姜葱鼓油烧到半生烧再用紫菜包埋食=]
之后就食左呢个..劲劲劲劲劲钟意的一款..系银鳕鱼呀!!!!!!!!!!!!!!!!!!!!!好正呀佢个口感好特别系我无谂过的!!鱼味好特别..食落去唔系油份好重但系超浓的鱼味!!
仲系配上自家制的鳗鱼汁黎烧架!!!!!!!!!!
呢个系长崎县的大拖 - 睇个样都知系入口即溶呢!!佢薄切左再加埋比我!!食落个层次会多D!!
酱油渍中拖 - 我自己好钟意呢个, 佢唔系入口即溶FEEL但系佢系超浓味的拖罗!!!我就钟意佢多过大拖!!可能感觉冇咁肥HAHA!!
呢个又系一个出色而每次都会期待的寿司!牡丹虾寿司..但系佢会将D膏烧返放返上去..所以层次多仲有好香的虾味~
真心之前冇谂过鲭鱼系可以生生地食的!我钟意食鱼所以呢个好岩我, 因为佢又系超浓鱼香, 加上烧香左个皮位, 又系另一风味!!!佢系长崎县鲭鱼, 用醋腌过的!!
马粪海胆 - 海胆控的我表示好开心!!鲜甜的海胆!!!!
筋子 - 真心唔系一般的筋子!!师傅话佢系自己调过味, 所以较甜身, 仲有柚子香架!!好好食!!!打完食评之后发觉我真系有记得师傅同职员的介绍..哈哈可能觉得食OMAKASE有时认真听下佢地讲野系要GE~
之后仲有汤仲有雪糕~总之食完之后..真系DINNER都唔洗食太多~
好耐冇咁认真打食评, 就系无啦啦食完好有动力将好食的野分享=]
题外话/补充资料：
厕所好干净!哈哈~
(以上食记乃用户个人意见 , 并不代表OpenRice之观点。)
张贴
