一心素食 (已結業)

其实系想食佢午市，不过迟左到撞正下午茶😭 下午茶餐牌其实都算丰富，不过冇我最想食既，好彩周围眼望望，都仲见到个时令特餐：香辣回锅素肉饭。今次嗌左呢个特餐同冻柠茶。平时我就一定唔食回锅肉，见系素菜先安心试下。上菜速度算快，只系侍应有啲难嗌，一定要佢经过你你先有机会嗌到佢🤣虽然讲明系轻食，预左份量不会多，但饭都有足一碗！回锅肉份量都不少，入面有菇，三色椒，菜同红萝卜。仲有外貌好似真肉的素肉！食落口感不错，望落似真肉但其实食落唔似真肉，怕肉的朋友绝对可以放心。而回锅肉有少香辣，但对嗜辣者黎讲就一定不够辣。呢个「轻食」对女仔黎讲一定够饱，男仔都可以医到肚饿。以呢个价黎讲，抵到烂啦😋