千賀水產の鮮鍋道場 (已結業)

好耐冇约中学老友聚聚，难得今日我地四个都得闲，当然要出黎食餐好啦。我地四个都系港岛返工，老友拣左呢间上网评价唔错而OPENRICE有优惠嘅千贺水产の鲜锅道场，我地收工约埋系时代广场集合，一齐出发。🏃千贺水产の鲜锅道场位于铜锣湾智选假日酒店，原来正正就系对住时代广场，虽然落紧雨，不过咁近我地唔驶开遮都行到过去。餐厅好大间，我地未到7点已经上到去，因为未到繁忙时间，餐厅最入面嘅区域都未需要开，餐厅装修设计时尚，灯光充足，而且座位宽阔，整体环境好舒适。😙除左无限追加嘅火锅配料之外，酒店式自助餐区食物种类都唔少，青口、虾、寿司同其他熟食源源不绝地供应，另外，饮品同甜品款式都比普通放题多。👍千贺水产の鲜锅道场另一卖点系每人一份的海鲜盛合同刺身，海鲜盛合有蚝、鲍鱼、安格斯牛小排等高级食材，海鲜新鲜，当中我特别钟意蚝，蚝肉饱满多汁，非常鲜甜。刺身入面我就觉得象拔蚌同三文鱼最好食，三文鱼每一件都系鱼腩部位，分外鲜甜。😋其他无限追加嘅火锅配料质素都唔错，最重要系有6小时任饮任食，可以边饮边食边聊天，慢慢叹，呢餐我地都食得好开心。用埋OPENRICE优惠，埋单只系$260位，性价比好高。👍