快樂小羊火鍋料理 (銅鑼灣廣場一期)

营业中

休息中

带咗几个外国朋友去我近期至爱边炉，Happy Lamb 度打边炉，又抵又好味，地方又干净舒服，冷气充足，唔会成身边炉味，真系可以个个星期去。之前去开中要怡红院，系高质好味嘅，但系每次都起码$700几落楼，真系只可以一个月一次。 lol 讲吓Happy Lamb 啲嘢食, 汤底好重要，我哋叫咗酸辣，茄汤，同清汤。清汤好味，个酸辣唔太辣，唔会辣到你食唔到啲嘢食个味，但系重点系个茄汤，好饮到痴线，我哋系咁饮佢个汤，饮到人哋要劲同我哋加 lol ，强烈推介。我哋全部都系羊肉爱好者所以我哋叫哂羊，好嫩好鲜，唔会粗质难咬，每片都厚薄适中。其中我的至爱系图中砌成花形𠮶个（唔记得系咩部位），𠮶个羊味最浓，摆盘好精致仲有干冰效果，班外国朋有最开心 lol。手打三滑都好正！墨鱼同虾滑劲弹牙，Mutton ( 年纪大啲嘅羊，唔知中文点叫 ）丸超正!!! 其他配菜都新鲜干净，decent 嘅! 重点系 ： 羊肉串!!! 不得了! 肥瘦适中，有肉汁又有咬口，仲要系热辣辣新鲜烧，食到停唔到！呢价价呢个质素，我真系谂唔到有咩好弹，真心要去试呀你哋。