辰 (已結業)

今次去左食一个性价比极高既omakase食lunch，呢个lunch set（$588）如果钟意饮酒仲可以（+$188）就有清酒free flow🍶 不过我唔饮酒就冇叫到，店舖既装修都好有omakase既高尚感觉🥰一开始佢就先整头盘，个茶碗蒸好有鲜味，入面亦都有菇令佢更好味😋 仲有个冲绳水云都几特别之后就到刺身同一件烧鱼，件鱼烧得好香，亦都好滑，钟意食鱼既一定满意👍 寿司刺身就一次过讲，平时一般寿司店都有机会食过呢几款，omakase既刺身寿司完全系另一个层次🙀 大拖罗既油脂，天使虾既爽口弹牙，白海胆既鲜味，真系食完有种好开心满足既感觉😍 佢地既寿司系唔洗点wasabi同豉油已经好好味，连锁店食可能每一件都要点下先好味🧐食完寿司就到尾声既汤乌冬，唔好睇佢好似冇𩠌好普通咁，师父话呢个鱼汤系煲左几个钟，就算好饱食唔落乌冬都要饮晒d汤咁话🤓 我就梗系食得晒，个汤真系鲜甜好味到我想叫佢添多碗比我🤣最后就系甜品绿茶蕨饼配红豆，呢个几有咬口同都好香绿茶味😋呢餐lunch绝对够饱之余，食物既质素都非常高，呢个价钱食得到咁既食物同服务我觉得真系抵到烂，我对呢间餐厅好感度非常高👍👍👍