又一 (已結業)

边个话圣诞大餐需要四位数字，呢一间小店行亲民路线，食物质素仲要唔差，上OpenRice平台仲可以平过原价添！餐厅环境亦都已经布置好满满嘅圣诞装饰✨慢煮鹅肝飘雪•无花果沙律摆碟带有圣诞节嘅冬日梦幻，慢煮鹅肝用左即刨嘅方式洒在沙津菜上，带点慕丝嘅质感，释放出丰润嘅风味，无花果沙律则为这道菜增添了清新。✨红菜头椰子忌廉汤色泽鲜艳，口感绵滑，红菜头嘅蔬果味道四溢，系一个令人意想唔到嘅配搭！✨灸烧北海道带子•海鲜番茄意粉海鲜爆棚嘅意粉，有象拔蚌、带子、海量蟹肉，加入清新嘅菠菜同蕃茄，整体非常鲜味，酸甜平衡！✨纽西兰熟成西冷配上烤日本南瓜•泡沫忌廉薯蓉，淋上香醋汁，摆盘有一种高级感；西冷肉质嫩滑，牛肉味道浓郁，肉香四溢！✨火焰圣诞树头蛋糕圣诞不能没有嘅树头蛋糕！蛋糕内层松软，融合左朱古力同云呢拿嘅味道，外层光滑嘅棉花糖面层亦都甜而不腻，加上火焰效果，更加有节日嘅气氛。✨爱丽丝魔法药水用爱丽丝作为主题，以魔法缩小药水为设计理念，饮落去其实系蓝柑柠檬梳打。✨魔法玫瑰特调呢杯用咗美女与野兽作为主题，玻璃罩内系一个粉红色嘅玫瑰，倒上果酒饮落去易于入口！