Project B (已結業)

见完客同朋友系附近食饭，餐厅店员非常有礼貌，加分加分👍食物全部都好高质，鹅肝牛魔王炒饭，牛柳粒份量好足，中意佢蛋炒饭够干身饭粒爽口，原片鹅肝微焦滑嫩既口感好味道，烟三文鱼黑松露忌廉意大利饭，原啖黑松露都真系第一次食，通常已经系烩饭到捞埋一齐，都几中意咁既食法可以满口黑松露甜味好满足，想赞下厨师个忌廉饭真系几出色，煮到硬度恰好，烟韧得黎又唔痴牙，仲有意大利杂肉芝士薄饼，有巴马火腿食，咸咸地加蕃茄既酸甜搭配，连埋沙律菜食就fresh啲，薄饼外皮超级脆口，甜品因为冇心太软，餐厅转左朱古力布朗尼配雪糕杂莓比我地，布朗尼可可味劲浓郁，口感松软，卖相亦吸引，呢个价钱同质素，有惊喜！💜💜