紅蔥頭

营业中

休息中

以前喺附近读书嘅时候，都成日嚟呢间餐厅。估唔到疫情之后佢仲喺度，今日咁啱经过，咁就一于嚟睇吓啦。估唔到佢嘅价钱咁多年来都冇乜加价，晚餐60几蚊已经有扒有汤，真系非常抵呀。我就叫咗个牛扒薯条，牛扒要咗五成熟。估唔到佢嘅牛扒质素都非常高，绝对唔会因为平就比唔好嘅食材，或者份量好少。而且薯条份量都好多，而且全部都系新鲜炸起，外脆内软真系好好食呀。佢嘅牛扒煮嘅时间啱啱好，食落好有牛味，而且非常嫩滑。而我朋友就叫咗个焗蕃茄鸡饭，估唔到又系份量好大。而且朋友话蕃茄食落酸酸甜甜，沟埋芝士真系好开胃，而且鸡肉食落都好嫩，同埋份量充足，食完绝对好饱。呢间餐厅又平又抵食，希望最近就算经济唔好，佢都可以继续经营落去啦。如果咁啱离开附近睇演唱会，都好支持大家嚟呢度试吓呀。