籠太子點心專門店 (已結業)

今日夜晚喺铜锣湾放工，竟然喺附近到见到呢间点心店，比起去酒楼，去点心店食点心，一定系更快有位，而且价钱更抵食。就算我一个人去食，都唔怕尴尬要搭枱，加上酒楼夜晚无点心，嚟到龙太子点心专门店，就再无藉口唔入去啦～其实我一个人都点了唔少点心，最主要系呢间真系好平！！平均十几蚊就有一笼！！但咁抵食都质素又几好！！所以性价比极高！！好似我叫了大大粒烧卖（仲可以分别叫两粒/四粒）、鹌鹑蛋烧卖、仲有成2-3只白虾嘅虾饺皇！！粒粒都落重本唔马虎～另外我都好满意佢嘅超香嘅梅子酱金钱肚（下面垫咗啲乌冬）、一咬就爆汁小笼包、仲有皮薄馅靓嘅牛肉肠。最后，我发现咗餐厅嘅辣椒油！非自家制不旦只，入面仲有独门秘方，因为佢好特别咁加入咗虾米！甜甜地唔太辣非常香！