匠森串燒

营业中

休息中

觉得揾又好食又抵食既串烧店都唔容易，有啲就所有串烧味道都一样，食多几串就好厌。今日比我揾到间性价比好高既串烧店，就系观塘工厦~匠森串烧～。一入餐厅见到一边墙满布怀旧嘅卡通人物，入面几乎系自己年代睇过嘅卡通，几咁亲切。一夜干马友，马友好高蛋白质、又高营养，一夜干既马友肉质较结实，保留左鱼油，外层烧到脆卜卜。👍呢度串烧全部都系即叫即由生开始烧熟，所以完全保留到肉汁，烧到刚刚好，唔会过龙。烧香口五花腩，一睇就知正，4边外层都系脆皮，内层就半肥瘦。特级牛舌芯，好腍呀。蒜香十既秘制脆卜卜豆卜。烧韭菜，份量好足，韭菜好嫩。烧巨菇有3款口味，拣左秘制川酱，上面铺满川酱肉醉，好惹味好过瘾。烧芝士年糕，一咬芝心涌出嚟。