五要素食堂 (已結業)

难得天气咁好，知道The One依间餐厅有得坐室外，就简佢去enjoy下啦。室外地方配置十分令人舒适，以木为主调，一坐低已经令人暂时忘记工作上烦恼，人流唔多所以枱与枱之间有一定距离，更加relax。今次叫左lunch set，包埋浓厚男爵薯仔沙律同自家日式洋葱汤，更加可以用$25去加甜品，依个价钱喺尖沙咀好难揾到！🐄烧美国黑毛和牛丼($78)黑毛和牛系薄切，烧得好好食，唔干唔韧，入口轻轻一咬就已经可以吞落肚，好有惊喜！最钟意佢地有大量火箭菜喺入面，一口和牛一口菜，女士们唔洗惊油腻！本来以为无乜酱汁，但原来系加咗喺饭面，微咸酱汁同黑毛和牛好夹，捞埋饭食更加促进食欲，但唯一觉得要改善之处系饭粒有点硬。🐓爱知大叶烧鸡肉丼拼青森温泉玉子($78)因为友人唔食得蛋，所以蛋另上。温泉玉子上有柚子皮，好清新，依啲细节位都做得好好。（紫菜量多到吓一跳）鸡肉一入口已经食得出「炭烧」嘅惹味！鸡皮烧得香脆，鸡皮亦无烧过火，仍然保持嫩滑juicy。烧肉汁份量亦岩岩好，唔会令到成个丼好干。男爵薯仔沙律表面有少少芝士碎，更加突出沙津酱嘅味道。自家日式洋葱汤煮到洋葱好软好软，虽然有少少咸但确实系日式洋葱汤嘅味道呢。