三哥餃子店 (已結業)

呢间饺子店一向都好多区内人黎食，今次行过大埔，见到几多人，环境又唔错，就入去食下。叫咗个松茸饺子配四宝汤，好足料好好食，个汤真系无味精，我唔觉得淡，因为我都系养生人士，反而觉得系妈妈味，我好钟意。个饺子肥胖胖的，好多料，皮不太厚，适中。好好味店内环境干净，见到有好多一家大细，食物款式都唔算少，另外亦都买咗个云耳同埋腐皮卷外卖，云耳嘅调味唔会太重，清清淡淡，反而食得出到云耳嘅爽口感，而腐皮卷外脆，内涵又多，好好味。